Утрински Весник
Свет

Русин осуден на година и пол затвор поради пораки за поддршка на Украина

Русин осуден на година и пол затвор поради пораки за поддршка на Украина

Маж кој пишувал пораки против руската инвазија на Украина е осуден на година и пол затвор.

dobivaj vesti na viber

Судот во околината на Санкт Петербург, на северозапад, денеска го осуди претприемачот Дмитриј Скурихин за повеќекратно оштетување на угледот на руската армија. Неговиот адвокат Дмитриј Герасимов изјави за „АФП“ дека неговиот клиент е нескршлив и многу храбар и покрај осудата.

„Не мислеше дека ќе биде затворен“, додаде адвокатот најавувајќи ја жалбата.

Првата кривична истрага против 48-годишникот започна во септември минатата година бидејќи на предната страна на неговата продавница напишал пораки против офанзивата во Украина.

Во февруари против него беше покрената втора истрага затоа што држеше плакат со текст: „Украина, прости ни!“ После тоа бил приведен, а потоа префрлен во домашен притвор. Скурихин објави и видео на кое протестира против војната и Владимир Путин.

 

Можете да прочитате

Профитот на Тојота намален за 37 проценти

Полицијата во Британија со невидлив спреј ќе ги обележува хулиганите на стадионите

Холандската полиција заплени над 90 килограми наркотици испратени по пошта