Рускиот опозициски политичар Алексеј Навални, кој се наоѓа во затвор, поднесе тужба до Врховниот суд на Руската Федерација барајќи укинување на затворската одредба која им забранува на осудените лица да користат зборови и изрази прифатени од криминална средина во комуникацијата, беше објавено на социјалните мрежи на Навални.
Според Навални, персоналот го укорил затоа што ги употребил зборовите „покрив“ и „колиба“. Кога се обратил до управата, тие му објасниле дека овие зборови се вклучени во „збирка на сленг зборови и изрази што ги користат криминалните структури“.
Списокот на такви забранети зборови, за чија употреба следи казна, оваа затворска колонија ја добила во 1983 година од Министерството за внатрешни работи на СССР и оттогаш е тајна, пишува „Медуза“.
Навални веќе поднесе жалба до окружниот суд и по одбивањето подготви жалба до Врховниот суд. Средбата е закажана за 23 август.
Медиумите потсетуваат дека Навални се претвори во еден од најголемите критичари на Кремљ и рускиот претседател Владимир Путин и е во затвор од почетокот на 2021 година.
