Водите во северниот дел на Атлантскиот Океан достигнаа рекордна дневна температура во средата, покажуваат првите податоци објавени од американската Национална управа за океани и атмосфера (НОАА), чии мерења започнаа на почетокот на 1980-тите.
„Нашата анализа покажува дека 26 јули беше највисоката просечна температура на површинските води во Северниот Атлантик, 24,9 степени Целзиусови“, изјави за „АФП“, Џунганг Јин, научник од Националниот центар за информации за животната средина во управата.
Овој рекорд е особено изненадувачки бидејќи се случува сега, а не на почетокот на септември, кога Северниот Атлантик е вообичаено најтопол.
Претходниот рекорд измерен на почетокот на септември 2022 година беше 24,89 степени Целзиусови, нешто понизок од оваа година, рече Ксунганг Јин.
Се очекува температурата на површината на Северен Атлантик да продолжи да расте во август, предупреди тој.
Северниот Атлантик стана симболична точка на набљудување на прекумерното затоплување на океаните на планетата под влијание на климатските промени предизвикани од стакленички гасови.
