Американски државјанин без дозвола преминал од Јужна во Северна Кореја, соопшти денеска американската команда во тој азиски регион.
Се вели дека тој шетал во Заедничката безбедносна област (ЈСА), погранично село во демилитаризираната зона што ги раздвојува двете земји, а потоа влегол во Северна Кореја без дозвола, објави „Скај њуз“.
„Американски државјанин во областа ЈСА, без дозвола, премина во Северна Кореја. Веруваме дека моментално е задржан во притвор и работиме со нашите јужнокорејски воени партнери за да го решиме инцидентот“, објави американската команда на „Твитер“.
