17-годишен тинејџер бил избоден до смрт по роденденска забава во северозападен Лондон, пренесуваат медиумите.
Во инцидентот што се случи синоќа околу 23 часот и 30 минути по локално време, повреден е и негов врсник, како и една девојка на возраст од дваесет години која се здобила со повреда на раката.
„Претпоставуваме дека дошло до тепачка по роденденска забава на која учествувале повеќе лица“, објави главниот инспектор Марк Роџерс од Метрополитен полиција и ги повика сите присутни да контактираат со полицијата и да објаснат што точно се случило.
„Работиме со колегите од сите релевантни институции за да ја спроведеме и решиме истрагата што е можно побрзо и темелно“, рече главниот инспектор Ден Ноулс, шеф на командата во северозападен Лондон.
