Украинскиот парламент денеска гласаше за промена на датумот на православниот Божиќ од 7 јануари на 25 декември. Целта на предлог-законот поднесен од претседателот Володимир Зеленски е „оддалечување од руското наследство“.
Две од трите големи цркви со православен статус веќе одлучија да се префрлат на грегоријанскиот календар. Во 2017 година 25 декември е прогласен за неработен ден. Од друга страна, најголемата Украинска православна црква, со долгогодишни врски со Москва, се уште не ја коментирала промената.
И оваа година таа ги прослави празниците според јулијанскиот календар, кој го користи Русија. Од руската анексија на Крим во 2014 година, Украина се обидува да ги прекине врските со своето советско и руско минато. Сеопфатната инвазија на Украина пред 16 месеци ги интензивираше тие напори.
