Американскиот претседател Џо Бајден вчера повторно се сопна додека се качуваше на Ер Форс 1.
80-годишниот Бајден за малку ќе паднеше додека се качуваше по скалите на авионот во Хелсинки, Финска, кога направи погрешен чекор, пишува „Њујорк пост“.
Инцидентот се случи на меѓународниот аеродром Хелсинки-Вантаан, од каде долета до аеродромот во Мериленд по посетата на претседателот на Финска, каде што беше по дводневниот самит на НАТО во Литванија.
President Joe Biden nearly trips and falls walking up the stairs to Air Force One again.
pic.twitter.com/HAJfSKBZPG— A.B.Jupital🫶🏽 (@ABJupital) July 14, 2023
Минатиот месец американскиот претседател се повреди во Колорадо, каде се сопна од вреќа со песок за време на церемонијата.
Портпаролката на Белата куќа, Карин Жан-Пјер, им изјави на новинарите дека не знаела за донесените одлуки за тоа кои скали Бајден ќе ги користи кога ќе се качува на Ер Форс 1.
Претходните претседатели ги користеа пократките скали само во случај на лошо време.
Лекарот од Белата куќа, Кевин О’Конор, во извештај на пет страници рече дека Бајден има проблеми со одењето поради артритис на ‘рбетот, благ артритис на стапалата по фрактура и блага сензорна периферна невропатија во стапалата.
Најстариот претседател во историјата на САД вчера ја напушти Европа, по една недела полна со гафови, во кои ја нарече исландската премиерка Катрин Јакобсдотир ирска ќерка, го нарече Владимир украинскиот претседател Володимир Зеленски и ја прескокна воведната вечера на самитот.
