Советот за безбедност на ОН одржува состанок на кој ќе разговара за севернокорејското лансирање на интерконтиненталната балистичка ракета Хвасонг-18 (ИЦБМ).
Државните медиуми во Северна Кореја објавија дека оружјето е предупредување за САД и другите противници, пренесува „Ројтерс“.
„Хвасонг-18“ е првиот севернокорејски „ICBM“ што користи цврсто гориво, што овозможува ракетата побрзо да се распореди во случај на војна.
„Тестирањето е процес насочен кон понатамошен развој на стратешките нуклеарни сили на Републиката и, во исто време, служи како силно практично предупредување за противниците“, објави државната новинска агенција „КЦНА“.
