Турски офицери и војници загинале во бомбардирање на турска воена база кај Алепо, Сирија.
Повеќекратниот ракетен напад бил насочен кон турската база во близина на Истражувачкиот центар во градот Азаз во северниот дел на Алепо, пренесе „Атр прес“.
Локалните активисти известија дека во нападот загинале турски воени офицери, а турските власти сè уште не реагирале на информациите. Турција незаконски контролира големи области на северна Сирија од 2018 година и одржува 114 воени локации и контролни пунктови во Алепо, Идлиб, Рака, Хасаке и во Латакија.
Syria, north of Aleppo, a Turkish base was attacked 👀 pic.twitter.com/Mf5xsanFC4
— MAKS 23 👀🇺🇦 (@Maks_NAFO_FELLA) July 10, 2023
Дамаск постојано го осудува военото присуство на Турција, кое го опиша како окупација, тврдејќи дека нивното присуство го спречува целосното ослободување на нејзините територии од тероризмот, пишува латиноамериканската новинска агенција „Пренса Латина“.
🚨🇷🇺🇹🇷 Just in: Russia attacks Turkish military base in Aleppo, #Syria. pic.twitter.com/k9aQ0IgS35
— Terror Alarm (@Terror_Alarm) July 10, 2023
На снимките објавени на социјалните мрежи се гледа како извира чад од турската база по бомбардирањето. Наводно нападот го извршиле руски авиони, но засега нема официјални информации од ниедна страна.
Турција на 12 јуни изврши гранатирање во северна Сирија и дека во таа ситуација беше погодено руско возило, при што загина еден руски војник, а неколкумина беа ранети. Гранатирањето следуваше по еднодневното насилство меѓу курдските борци поддржани од САД и турските војници во северна Сирија, во кое загинаа неколкумина на курдската страна.
