Ѓубрето од Аеродром и Кисела Вода што вечерва со помош на механизација од други градови беше собрано од овие општини, заврши фрлено пред Дрисла.
Градоначалниците на Кисела Вода и Аеродром, Орце Ѓорѓиевски и Тимчо Муцунски, кажаа дека одлуката да се самоорганизираат за собирање на ѓубрето од улиците на овие општини беше донесена бидејќи Арсовска и градските претпријатија не си ја вршат работата, а Скопје е во состојба пред зараза.
Градоначалниците беа спречени да го истоварар ѓубрето на депонијата.
Откако по повеќе од 1 час не можеа да го истоварат ѓубрето, укажаа дека имаат две опции – или да го вратат во Скопје на улиците или да го истоварат пред Дрисла.
Кажаа дека ја избрале втората, по што отпадот беше истурен пред Дрисла.
Порачаа дека градоначалничката Арсовска која не сака ниту да го собира, ниту да го одлага може да го истури во депонијата.
