Полицијата добила пет пријави за тепачки низ Македонија. Во Битола, Кочани, Чаир и Крушево, повеќенмина се пресметале физички поради недоразибрања.
„Вчера во 11.21 часот во Полициска станица Битола, Ј.Ј.(45) од с.Грнчари, ресенско, пријавил дека околу 03.00 часот во угостителски објект во Битола, поради недоразбирање, бил физички нападнат од неколку лица. На 08.07.2023 во 17.00 часот во Полициска станица Кочани, Ј.С.(68) од Кочани пријавил дека околу 15.00 часот, додека го управувал своето возило на ул.„14 Бригада“ во Кочани, Н.Ѓ. и И.Ѓ., двајцата од Кочани, фрлале со тврди предмети кон возилото. На 09.07.2023 околу 03.15 часот во Полициска станица Чаир, В.Љ.(38) од Скопје пријавила дека околу 03.00 часот на подрачјето на Бутел, нејзината малолетната ќерка била физички нападната од едно лице“, велат од МВР.
Исто такаво Полициска станица Битола е пријавено дека околу 11.40 часот во Битола е нарушен јавниот ред и мир со физичка пресметка помеѓу З.П.(60) и З.П.(42), двајцата од Битола.
„Во 00.05 часот во Полициска станица Крушево е пријавено дека во угостителски објект во Крушево, Ц.С.(36) бил физички нападнат од Н.С.(43) и Д.Ц.(26), сите од Крушево“, велат од МВР.
Се преземаат мерки за расчистување на случаите.