Министерот за здравство, Фатмир Меџити, во интервјуто за „Макфакс“ посочува дека кога се сретнал со кардиохирургот Сашко Јовев, но не разговарале за да биде советник во министерскиот кабинет. Иако понудата беше јавна, Меџити посочува дека темата не била начната за разговор, па додава: „Ако прашуваше професорот јас ќе му понудев“. Оставка поднел и вториот директор на Кардиохирургија.
„Без разлика на се таа тема е мислам апсолвирана. Таму не отиде само еден директор, си поднесе оставка и другиот директор организацискиот. Тие имаат взаемна одговорност, јас го повикав и другиот директор и се договорив со нив, дали да го разрешам или да си поднесе, подобро е да си поднесе и покултурно и похумано“, рече Меџити.
Прашан дали смета дека Јовев спие на работа, Меџити одговори дека никогаш не кажал такво нешто.
„Јас сепак сум одговорно лице, сум министер за здравство и јас не сум кажал за Јовев дека спие, напротив јас ви објаснив, мислам дека оваа тема е веќе апсолвирана, ќе видите дека кардиохирургија и Македонија како држава ќе продолжи и после Јовев, почитуваниот професор ќе се посвети повеќе на пациентите“, додаде Меџити.
