Адвокатите на Миле Јанакиески ќе бараат спојување на сите притвори кои ги има издржано, со вкупно времетраење од 4,8 години, за да му се засметаат во изречената казна од 3,6 години за „Титаник“, дознава „Макфакс“. Барањето ќе биде упатено до претседателот на Кривичен суд, Иван Џолев, кој според нив, може да донесе вакво решение. Јанакиески скоро пет години е во домашен, но и во ефективен притвор кој го издржуваше во затворот „Скопје“ во Шутка.
Според адвокатите, притворот кој осудениот го добил по различни предмети, може да се засмета во казната за „Титаник“, Џолев како претседател на суд треба да донесе одлука. Досега, Јанакиески беше во притвор поради предметите „ТНТ“, „Топлик“, „Титаник“, „Шпански скали“.
Барањето за спојување на притвори и засметување во „Титаник“ доаѓа откако Јанакиески остана единствениот кој има затворска казна од сите обвинети кои поднесоа жалби пред Апелација. Тој треба да одлежи 3,6 години.
