Ливерпул е уште еден клуб заинтересиран за напаѓачот на Наполи, Виктор Осимен. Јирген Клоп сака да донесе нов човек во врвот на нападот кој ќе го замени Роберто Фирмино и има амбициозна тоа да биде 24-годишниот Нигериец од Наполи, открива „Газета дело Спорт“.
Осимен стана еден од најбараните играчи на пазарот откако постигна 31 гол на 39 натпревари за Наполи и беше клучен во освојувањето на титулата во Серија А. Него го бараат и Манчестер Јунајтед, Челси, Њукасл и Пари Сен Жермен, а „црвените“ се подготвени да се вклучат во трката за неговиот потпис, откако воделе првични разговори со неговиот агент.
Проблем со евентуален трансфер на Осимен на „Енфилд“, освен големата конкуренција, може да биде и високата цена на играчот. Наполи сака да добие неверојатни 180 милиони евра, а токму цената досега ги одвраќа сите клубови заинтересирани за напаѓачот.
