Полицијата, нуркачки тимови, војската, доброволци се само дел од екипите кои учествуваат во пронаоѓање на тројцата косовски државјани, кои по сообраќајна несреќа, со автомобил излетаа во реката Лепенец. Во близина на скопското село Орман, на автопатот кој води до граничниот премин Блаце се насобрани припадници на службите кои трагаат по тројцата патници. Засега, нема траг од ниту еден од косовските државјани.
Местото е обележано со полициска лента. Освен нуркачки екипи, во потрагата се учествува и со дронови. Акцијата за пронаоѓање трае скоро 24 часа. Потрагата ја усложнуваат и надојдените води во Лепенец, по обилните врнежи од претходните денови.
Момчето на возраст од 21 година, кое било во автомобилот, а е спасено, е во добра здравствена состојба. Тој нема скршеници, но е во шок по несреќата. Сместен е во болницата „8 Септември“, каде ќе биде задржан на испитувања.
Претходно, МВР соопшти детали.
