Украинската полиција објави снимка од спасена жена од урнатините на станбена зграда во градот Краматорск по руски ракетен напад врз градот.
Спасувачите, соопшти полицијата, со часови копале низ урнатините на станбена зграда за да пронајдат жена која била закопана по ракетниот напад на руските сили.
Во ноќта од вторникот кон средата, три лица загинаа во руски ракетни напади врз украинското црноморско пристаниште Одеса и исто толку во нападите врз источниот регион Доњецк, во кој е вклучен и Краматорск, објавија украинските власти.
