Македонскиот прволигаш Шкендија доведе уште едно засилување ова лето. Нов фудбалер на тетовскиот тим е Зија Мерџани, кој всушност се враќа во Шкендија откако минатата сезона настапуваше за Струга Трим Лум, тим со кој ја освои шампионската титула.
Мерџани потпиша двегодишен договор со Шкендија.
„Шкендија е голем клуб и секој фудбалер сака да дојде овде. Ја познавам околината и го знам патот по кој треба да одиме, се знае што се очекува од нас, треба помалку да зборуваме и повеќе да работиме, да дадеме 100% од себе за да ги постигнеме целите на клубот и на спонзорот“, изјави Мерџани веднаш по официјализирањето на новиот договор со Шкендија.
