Барселона постигна договор со Атлетико Параненсе за потписот на 18-годишниот Витор Роке, тврди „АС“. Роке стана рекордно засилување на Атлетико Параненсе откако минатата година беше доведен од Крузеиро за 24 милиони бразилски реали, што е еднакво на околу 4,5 милиони евра. Таа сезона настапи на 43 натпревари и постигна 12 гола.
Каталонците ќе платат околу 40 милиони евра за бразилскиот талент кој ќе потпише петгодишен договор. Каталонците ги договорија сите детали на договорот, но ќе го официјализираат откако ќе се разделат со некои од нивните сегашни играчи и ќе успеат да ослободат простор во буџетот за плати.
🚨💣 Barcelona and Athletico Paranaense have agreed on the transfer of Vitor Roque, who will join Barça on a five-year deal. The club will pay around €40m in three installments. Deco has been key. The signing will be made official when there’s salary margin. @fansjavimiguel 🇧🇷 pic.twitter.com/KvFnRRjnvO
— barcacentre (@barcacentre) June 13, 2023
Голема улога во реализацијата на трансферот имаше Деко, кој се очекува да стане спортски директор на клубот. Неговото познавање на бразилскиот пазар и добриот однос со агентот на играчот Андре Кури се покажаа одлучувачки.
Роке на почетокот ќе биде резервна опција на Роберт Левандовски, но надежите на Барса се дека тој ќе стане главен стрелец во наредните години. Квалитетите на младиот Бразилец му дозволуваат да игра и на крилните позиции.
