Швајцарецот Херардо Сеоане е нов тренер на германскиот клуб Борусија Менхенгладбах. 44-годишниот швајцарски тренер потпиша тригодишен договор, соопшти бундеслигашот.
Тој на клупата го замени Даниел Фарке, кој го напушти клубот минатата недела откако тимот ја заврши сезоната на десеттото место на табелата во Бундеслигата.
„Херардо Сеоане беше успешен во неколку клубови во изминатите години. Тој е млад тренер, но со големо искуство. Негува стил на фудбал што сакаме да го видиме од нашиот тим“ велат од клубот.
