Тинејџерката Бреасија Пауел била застрелана, а нејзиниот пријател бил ранет по расправијата на нејзината матура во училиштето во Атланта.
Како што пренесува „Дејли мејл“, оваа 16-годишна тинејџерка бил пронајдена како лежи во несвест на училишниот паркинг. Брзата помош веднаш ја пренела во болница, но лекарите не можеле да ѝ помогнат.
Нејзиниот соученик, кој не е идентификуван, бил ранет во пукањето и сега закрепнува во болница.
Полицијата не соопштува дали има други жртви во престрелката или кои се осомничените и дали се приведени. Исто така, не соопштија колку луѓе имало на матурата.
Градоначалникот на Атланта, Андре Дикенс, одржа прес-конференција, на која детаљно го опиша инцидентот.
Тој рече дека бил извршен разговор со родителите на Бреасија, како и со родителите на ранетиот тинејџер.
Апелира до родителите повеќе да се вклучат во животот на своите деца.
Тој додаде дека Бреасија требало да почне со работа во градското собрание следната недела како дел од проектот за млади и рече дека сè уште не е утврдено кој пукал во толпата, па истрагата сè уште е во тек.
