Бразилската пејачка Анита беше забележена во четвртокот во Рио де Жанеиро на снимање на нов музички спот во одважна комбинација.
30-годишната пејачка, која во април се раздели од издавачката куќа „Ворнер мјузик груп“, ја покажа својата феноменална фигура во мини фустан во боја на виножито и со отвори, над металик-сино дводелно бикини, и папучи на платформа.
Хитмејкерката (Envolver) ја обликува косата во мали вселенски пунџи со шишки кои ѝ го врамуваат лицето, а својот изглед го нагласи со истобојни одвоени ракави и големи златни обетки додека танцуваше низ улиците опкружена со голема продукциска екипа.
Нејзиното ново видео доаѓа два месеци откако објави дека ставила крај на соработката со „Ворнер мјузик груп“.
Во март, уметницата ја обвини својата издавачка куќа дека „не ја промовира нејзината музика“ во експлозивни објави на социјалните мрежи.
Таа се огласи на „Твитер“ за да го сподели својот став на сметка на компанијата. „Кога си млад и сè уште не знаеш многу, мора да посветиш големо внимание на работите што ги потпишуваш,“ напиша таа, алудирајќи на издавачката куќа.
