„Предлог законот за измени и надополнување на законот за утврдување на стратешки интерес и номинирање на партнер е нешто за кое што целата македонска јавност дозна за каква влада станува збор за какви интереси станува збор. Како дозволија пратениците од владејачкото мнозинство да бидат поддржувачи на вака катастрофално скроени закони. Како успеавте да бидете поддржувачи на злоупотребата на европско знаменце“, нагласи пратеникот од ВМРО-ДПМНЕ, Миле Лефков на денешната собраниска седница.
Пратеникот од ВМРО-ДПМНЕ, Лефков додаде и дека со овој закон се штитат криминални интереси во владата на Ковачевски и на Груби а со законот се менуваат цела плејада на закони.
„Со овој закон се штитат криминални интереси во владата на Ковачевски и на Груби. Пакет закони кои што се плејада на закони кои што се менуваат. Опозицијата побара договорот да биде објавен во службен весник. Уставниот суд вели дека на начин на кој што е донесен законот се суспендира само законот за јавни набавки додека остануваат останатите закони. И тоа вие го искористивте на тој начин да ни менува плејада закони“, истакна Лефков.
Лефков нагласи и дека со овие закони се менувааат и законот за акцизи и процедури при царинското постапување.
