Чеченскиот лидер Рамзан Кадиров на својот Телеграм напиша дека го вратил коњот Заза, украден во Чешка.
Коњот е таму од 2014 година, бидејќи беше под европски санкции.
Според Кадиров, претставници на украинските специјални служби го контактирале и му понудиле да го купи коњот.
Чеченскиот лидер се согласил и рекол дека го чинело 18.000 долари за да го врати своето милениче. Кадиров рече дека мислел дека Зазу ќе биде вратен откако ќе бидат укинати санкциите.
„Но, се покажа дека тајните служби имале дрзок план – тие едноставно ја организирале неговата кражба од штала во Чешка во дослух со чешката полиција“, напиша тој, додавајќи дека, со оглед на вистинската вредност на коњот, тој се вратил дома за ситни пари.
„Значи, пријатели, ако ви треба нешто од Европа, контактирајте со украинските специјални служби. Брзи, професионални, евтини, заобиколувајќи ги санкциите“, заклучи тој.
