Џенаро Гатузо ќе биде новиот тренер на Олимпијакос. Темпераментниот Италијанец ги започнал преговорите со клубот. Олимпијакос, сезоната во Грција ја заврши на третото место зад Панатинаикос и шампионот АЕК.
Сезоната 2022/2023 е исклучително неуспешна за Олимпијакос, клуб кој во послесните 24 години, 20 пати бил шампион на Грција. Клубот од „Караискакис“ стадионот испадна и од Купот, за трофејот ќе се борат АЕК и ПАОК.
Јасно е дека во Олимпијакос ќе се случи реконструкција во летниот преоден рок. Челниците прво сакаат да ја решат тренерската позиција. Гатузо е најсериозен кандидат. Тој е без работа од октомври кога доби отказ во Валенсија.
Гатузо има искуство во грчкиот шампионат, една сезона бил тренер на ИФИ од Крит. Инаку во кариерата бил тренер и во Сион, Палермо, Пиза, Милан, Наполи и Валенсија.
Единствениот трофеј го има освоено со Наполи, кога триумфираше во Купот на Италија.
