Утрински Весник
Економија

По 6 години на власт, СДСМ со 200 нови луѓе ќе ги подобрува политиките за иднината на државата

По 6 години на власт, СДСМ со 200 нови луѓе ќе ги подобрува политиките за иднината на државата

СДСМ како одговорна, модерна, демократска партија го зајакна својот кадровски потенцијал. Повеќе од 200 докажани професионалци, угледни и истакнати личности се веќе дел од составите на 18 партиски комисии на СДСМ, соопшти денеска на прес конференција Сања Лукаревска, заменик-претседателка на СДСМ.

dobivaj vesti na viber

– Професори, лекари, економисти, правници, инженери, експерти од дигитални технологии. Половина од нив се нови лица. Секако имаме и континуитет, на досегашни членови, симпатизери и поддржувачи но особено задоволство е што имаме и нови. Сите овие луѓе се приклучија во стручните тела на СДСМ, се ставија на располагање, да дадат придонес во развојот на социјалдемократијата, подобрување на политиките за иднината на земјата. Ова зајакнување на кадровскиот потенцијал на СДСМ доаѓа во период на неколку клучни предизвици кои се исправени пред земјата во наредниот период. Забрзување на процесот на заздравување од енергетската криза, енергетска транзиција, зголемување на економскиот раст, подобрување на стандардот на граѓаните, нов раст на платите и пензиите и чекорите за полноправно членство во Унијата – рече Лукаревска.

Таа додаде дека СДСМ е партија којашто постојано се унапредува, се подобрува и е подготвена да се менува во интерес на доброто на сите граѓани. Вели дека СДСМ на овој начин ќе започне процес на разговори за прибирање идеи, предлози и сугестии за програмата со која партијата ќе настапи на изборите во 2024 година.

Првата тематска трибина ќе биде утре, за енергетиката, енергетската безбедност и зелената транзиција. Лукаревска ги покани граѓаните да доаѓаат и да учествуваат на овие трибини.

Можете да прочитате

ССКМ демантира дека Претседателот Ангеловски демантира дека е разрешен, обвинува за фалсификат

Николоски: Понудите од врвни светски финансиски институции и банки го потврдуваат кредибилитетот на проектот “брза пруга”

„Кој купува стан во Скопје?! Без вода, без воздух, со бетониран пекол на секој агол!“