Лапсус била изјавата за вметнување на Егејците во Уставот.
Заменик-министерката за правда, Викторија Аврамовска-Мадиќ, рече дека мислела на Евреите кога кажала Егејците.
„Секако, стануваше збор за лапсус. Мислам дека на сите ви е јасно дека станува збор за Евреите и им се извинувам на Егејците“, рече таа.
Аврамовска-Мадиќ во вчерашното гостување на „24 ТВ“ рече дека и Егејците ќе влезат во Уставот на нашата земја.
„Кога ќе го видат предлогот и кога ќе видат дека ништо не е лошо и дека во Уставот на Република Северна Македонија во преамбулата ќе влезат и другите народи што поднеле барање, тука не правиме муабет само за Бугарите, туку и за Црногорците, Хрватите, Египќаните, Егејците и за многу други што ќе поднесат барање“, рече претходно Аврамовска-Мадиќ за време на гостувањето во емисијата.
Изјавата наиде на многубројни реакции во јавноста.
