Претседателот на Србија Александар Вучиќ обраќајки се пред јавноста по грозоморното убиство во училиштето во Белград откри дека човекот од обезбедувањето кој беше меѓу убиените разменувал пораки со момчето. Тој, како што рече Вучиќ, бил добриот дух на училиштето.
„Не можам да зборувам за имиња, според законот, морам да ги чекам обвинителите. Откако слушав и читав различни приказни за тоа како децата и родителите се борат да преживеат. Овде сè е спротивно. Овие луѓе се добро ситуирани. Нивниот приход не е помал од 300.000. Станува збор за луѓе кои биле примерни, кремот на општеството. Лекар и професор. Таткото направил еден прекршок во животот. Чиста биографија“, кажа Вучиќ посочувајќи детали за семејството на младиот убиец.
„Момчето во изјавата на чуден начин објасни чудно објасни како сето тоа го планирало. Велат дека претходно се заканувал со бомби. Ве молам не измислувајте. Меѓутоа, тој се исплаши по првиот коктел, па престана“, додаде тој.
“Тој побарал од родителите да биде префрлен во друго одделение на училиште. Бил најдобриот ученик и сите го избегнувале. Барал да го префрлат на место каде што има тројца другари и добро му одело. Немаше што да каже за неговата родители, освен што од него, барале само подобри резултати. А нешто послаби резултати имал само кога бил заљубен. Не се снајде ни во ново одделение и се одлучи на монструозен чин“, истакна српскиот претседател.
„Ќе си дадам за право да предложам мерки како претседател: Освен кога се работи за ловечко оружје, воведување мораториум за чување и носење оружје во следните две години. Ревизија на сите дозволи за оружје. Да се контролира начинот на кој лицата кои имаат дозвола да држат оружје. Контролирање на работата на сите полиња за стрелање. Пропишување кривична одговорност за лица кои дозволуваат пристап на малолетници до оружје. Ова е мојот предлог и размислете за тоа во Владата: Денеска зрелоста настанува порано, а можно е и деца и помлади да почнат да вршат кривични дела – намалување на старосната граница за кривична одговорност од 14 на 12 години“, се само дел од мерките кои српскиот претседател Вучиќ ги посочи во своето обраќање откако уторво во Белград се случи масакрот во училиштето во Белград.
