Колони возила и огромни гужви има попладнево на грчката граница и кај Неготино.
Граѓаните кои продолжениот викенд одлучија да го поминат во Грција со часови се заглавени на патот кон дома.
Сведочат дека откако ја минале границата, поголемата препрека е на влезот на автопатот кај Неготино оти е затворен патот кај Демир Капија.
Возејќи од Гевгелија, тие се исклучуваат на стариот пат кај Демир Капија, па се приклучуваат на автопатот кај Неготино, пришто е дојдено до голем застој.
Автомотосојузот претходно објави дека од 26 април почнуваат градежни активности на Државниот пат А1, во насока од Демир Капија кон Неготино, за што ќе се изврши промена на режимот на сообраќај со целосно затварање на автопатот на клучката Демир Капија.
Сообраќајот ќе биде пренасочен на Регионалниот пат Р1102, соопшти АМСМ.
