Руската армија го смени својот висок генерал задолжен за логистика пред очекуваната контраофанзива на Киев.
Соопштението уследи по неколкудневните гласини за смена на генерал-полковник Михаил Мизинцев, под британски санкции поради неговата улога во опсадата на украинскиот пристанишен град Мариупол, кој руските војници го зазедоа пред една година.
Во соопштението на руското Министерство за одбрана се наведува дека Алексеј Кузменков – поранешен функционер на Националната гарда – го заменил Мизинцев.
„Кузменков е именуван на местото заменик министер за одбрана на Руската Федерација, одговорен за логистичка поддршка на вооружените сили“, соопшти Министерството.
Во соопштението не се наведува зошто Мизинцев е отпуштен.
