Златарата „Булгари“ на плоштадот Вендом во првиот париски арондисман денеска е ограбена, јавува француска ТВ БФМ.
Тројцата разбојници со два мотори успеале да побегнат од местото на злосторството и полицијата трага по нив.
Лицата им биле сокриени со качулки, а со себе носеле оружје. Засега не се знае колку накит е украден.
Ова не е прв пат да биде ограбена златарницата „Булгари“ во Париз. Во септември 2021 година, разбојници со качулки и пиштоли ја ограбија златарницата и одзедоа накит вреден 10 милиони евра.
