Фудбалерите на Манчестер сити се пласираа во финалето на ФА купот. Во првото полуфинале на „Вембли“ стадионот во Лондон, Манчестер сити го победија второпласираниот тим во Чемпионшип, Шефилд јунајтед со 3:0 (1:0).
Манчестер сити, против тимот кој извесо е дека ќе се врати во Премиер лигата, во целост ја оправда фавориската улога.
Без многу напор, „граѓаните“ дојдоа до победата. На Шефилд јунајтед со хет-трик му пресуди Ријад Марез. Алжирецот во 43.минута реалзиира пенал, а потоа беше презицен во 61. и 66.минута.
Манчестер сити во финалето ќе игра против победникот од натпреварот Манчестер јунајтед-Брајтон. Ова полуфинале се игра утре, исто така на „Вембли“, од 17.30 часот.
