Винка Ѓорѓевиќ од Мали Вртоп во Србија, за прв пат седна зад воланот на блиску осумдесет години.
„На 81-годишна возраст баба Винка, чие секојдневие најмногу е сведено на фарма, најмногу е задоволна од доаѓањето на нејзиниот внук Јован. Тие поминуваат време заедно на часови за возење, на кои таа особено се радува“, пишува РТС.
Вели дека отсекогаш сакала да седне зад воланот, но кога била млада немала можност, па внукот сега и помага да ја оствари својата дамнешна желба која не ја напуштила ниту во деветтата деценија од животот. За неа и било многу необично да го направи тоа, но на крајот од секое возење и е многу интересно.
„Таа е упорна, многу сака да научи да вози добро“, вели внукот Јован Митровиќ.
На прашањето какви гуми има моментално, баба Винка одговара: „Претпоставувам летни гуми“. А за брзината со која обично вози вели дека што и да реши внукот, таа тоа го прави. Таа ги испробала автомобилите „лада“, „голф“, „баги“ и други автомобили на нејзиниот внук. Сепак, нејзин омилен е олдтајмерот.
„Најмногу ми се допаѓа „Фичо“. Тој е мал, а јас сум стара. Тоа само функционира”, се насмевнува баба Винка.
