Пред 13 години пристигна на црвено-белата страна на Мадрид и промени се – Диего Чоло Симеоне од Атлетико создаде еден од најдобрите тимови во Шпанија и Европа, а се чини дека ќе продолжи да ги води „јорганџиите“.
Така барем мисли претседателот на клубот, Енрике Сересо, кој ги демантира пишувањата на медиумите дека по две лоши сезони Атлетико сака да ја прекине соработката со аргентинскиот стручњак.
„Да, мислам дека Симеоне ќе продолжи да работи во Атлетико Мадрид“, изјави Сересо.
Симеоне има договор до 2024 година.
„Засега немам вести дека ќе го продолжи договорот“, додаде Сересо.
Од 2011 година, популарниот Чоло двапати беше шампион на Шпанија со Атлетико (2014 и 2021 година), двапати ја освои Лигата на Европа и два пати европскиот Суперкуп (2012 и 2018 година), еднаш Купот на кралот (2013), а на два пати немаше среќа во финалето на Лигата на шампионите од градскиот ривал Реал (2014 и 2016 година).
