Во погон на фабрика во кругот на поранешна „Железара“ доцна синоќа настанала експлозија, пришто тројца вработени се здобиле со повреди, соопшти МВР.
Хоспитализирани се вработените Р.Ѓ.(41) од с.Студеничани, К.Ф.(29) од с.Мојанци, и Р.С.(33) од Долно Количани, Скопско.
Тие биле пренесени во Комплексот клиники „Мајка Тереза“ за укажување лекарска помош.
Од МВР велат дека се преземаат мерки за расчистување на случајот.
Засега не е познато како дошло до експлозијата во фабриката.
