Сумата од 140 денари дневно за студентски оброк е договорена нелегитимно со неколкумина студенти, без да бидат прашани сите студенти, со што нема поддршка од сите засегнати страни, реагираат од Студентскиот отпор.
Тие побараа од сегашните 120 студентскиот оброк да се зголеми на 160 денари.
„Истовремено, бараме средба со сите пратенички групи од Собранието на Република Македонија, на која повторно сите заедно како студенти ќе застанеме зад овој став и ќе им предочиме на надлежните дека основната егзистенција на студентот во Република Македонија не смее да биде запоставена“, се вели во соопштението.
Порачаа дека студентите се иднина на државата и не смее „да бидат жртви на нефункционални системи и алчни функционери“.
