Сопругата на германскиот канцелар Олаф Шолц, министерката за образование на покраината Бранденбург, Брита Ернст (СПД), поднесе оставка од таа функција, без да наведе причини.
Заминувањето на Брита Ернст од функцијата министер за образование уследи по критиките во јавноста, која беше незадоволна од резултатите од нејзината работа на полето на градинките и училиштата, а како што пренесува „Франкфуртер Алемајне Цајтунг“, нејзин наследник ќе биде државниот секретар Стефан Фрајберг.
Ернст шест години е член на покраинската влада, а во 2021 година беше претседател на Конференцијата на министри за образование.
Премиерот на сојузната покраина Бранденбург Дитмар Војдке ја прифати оставката и ѝ се заблагодари на Ернст за шестгодишната работа како регионален министер за образование.
