Од ВМРО-ДПМНЕ ги отфрлаат тврдењата на Левицата дека имало тајни средби меѓу Мицкоски и Ковачевски.
„Прес-конференцијата на Левицата, која се одржува под директна нарачка на СДС, е во целост лажна. Ниту имало тајни средби ниту, пак, ВМРО-ДПМНЕ разговара за прифаќање на уставните измени под бугарски диктат“, велат од партијата.
Од таму додаваат дека ќе поднесат тужба за клевета против Левицата доколку не се извинат за лажните тврдења.
„Единствените, можеби, тајни средби се тие на Апасиев кога добива задачи од Богданка Кузевска за посериозни нарачки. Но, тоа не го менува фактот дека коалицијата СДС – Левицата е јавна и транспарентна“, порачаа од ВМРО-ДПМНЕ.
