Милвоки Бакс и Денвер Нагетс ги освоија конференциските титули во НБА лигата. Овие два тима во плеј-офот ќе ја имаат предноста на домашниот терен.
Денвер Нагетс, предводени од Никола Јокиќ оставрија историски успех, откако ја освоија титулата во Западната конференција. Нагетс, изминатата ноќ не играа, а првото место го обезбедија блгодарение на поразот на Мемфис Гризлис.
Мемфис, по едно продолжение, доживеаја пораз во Њу Орлеанс 138:131.
Најефикасен кај победниците беше Херверт Џонс со рекордни во кариерата 35 поени, Си Џеј Меколум додаде 31, а Греј Марфи еден поен помалку.
Брендон Инграм постигна 24 поени, 13 асистенции и шест скока. За Мемфис Џерен Џексон постигна 40 поени, Дилон Брукс додаде 25, а Дезмонд Бејн 24.
Денвер во плејофот влегува со скор 52-27, додека Мемфис има 50 победи и 30 порази.
Во соседското дерби Милвоки го совлада Чикаго со 105:92 и со учинок 58-22 го обезбеди првото место на Истокот пред плеј-офот.
Со серија од 10:2 во последната четвртина Бакс ја создадоа клучна предност (96:84), а блескаше Боби Портис со 27 поени (6/9 за три) и 13 скока, Брук Лопез запиша 26 поени и седум скока, а Џру Холидеј 20 поени, осум и 15 асистенции. Јанис Адетокумбо на теренот мина само 39 секунди.
Во поразениот тим, Никола Вучевиќ беше предводник со 21 поен 11 скока, Коби Вајт постигна 14.
Булси се 10. на Истокот со скор 38-42 и заедно со Мајами, Атланта и Торонто ќе играат плеј ин.
