Инспекторите од Државен пазарен инспекторат денеска контролираа субјекти на цела територија надржавата по Одлука за определување на највисоки цени за одделни производи во трговијата на мало бр. 41-3467/3 од 03.04.2023 донесена од страна на Владата која се однесува на цените на замрзнување на овошјето и зеленчукот и тоа на следните производи: свежи домати, свежи краставици, кромид, карфиол, свежи зелени пиперки, грав, леќа, банани, портокали, мандарини и лимони.
Како што информираат биле извршени над 250 контроли и надзори и има забележано 2 прекршувања на Одлуката за што дополнително ќе бидат издадени соодветни прекршочни платни налози.
„Од контролите е заклучено дека производите опфатени со оваа Одлука се продаваат по цени во согласност со Одлуката и се достапни во продавниците и маркетите ширум земјава. Инспекторите се и понатаму на терен“, велат од ДПИ.
