Селекторот на фудбалска репрезентација на Исланд, Арнар Видарсон доби отказ откако неговите избраници го совладаа Лихтенштајн со 7:0 во квалификациите за ЕП 2024 во Германија.
Пред да го демолира Лихтенштајн, Исланд беше убедливо поразен од репрезентацијата на Босна и Херцеговина со 3:0. Овој пораз му пресуди на Видарсон.
Во јуни, во квалификациите за ЕП, Исланд прво го очекува меч со Словачка на домашен терен на 17 јуни, а потоа три дена подоцна и против Португалија.
