Манчестер Јунајтед ќе се соочи со Њукасл во 29. коло од Премиерлигата без најдобриот играч на тимот, Маркус Рашфорд. Тој не играше и за репрезентацијата на Англија во квалификациите за ЕВРО 2024 поради повреда.
Рашфорд работеше на неговото закрепнување, но не се приклучи кога тимот се врати во Карингтон. Клубот е внимателен за неговата здравствена состојба и не сака да ризикува.
Тој се повреди на натпреварот против Фулам (3:1) во четврт-финалето на ФА Купот.
Неговото отсуство на неделниот натпревар секако ќе биде голем хендикеп за Манчестер Јунајтед, бидејќи напаѓачот е во неверојатна форма. Досега одигра 44 натпревари во сите натпреварувања, постигна 25 гола и забележа седум асистенции.
Дербито од 29. коло од Премиерлигата е закажано за недела, на 2 април на „Сент Џејмс Парк“. Двата клуба се борат за место во Топ 4 и пласман во Лигата на шампионите следната сезона. Манчестер Јунајтед моментно е третопласиран со 50 бода, а Њукасл е петти со три бода помалку.
