Претседателот на Србија, Александар Вучиќ, се сретна со премиерот на Северна Македонија, Димитар Ковачевски, при што во оваа прилика двајцата официјални претставници се согласија дека односите меѓу двете земји се најдобри во модерната историја, соопштија од прес-службата на Вучиќ.
Претседателот Вучиќ изјави дека во Србија и Северна Македонија постои силна политичка волја за натамошно зајакнување на соработката и предложи конкретни чекори на полето на трговијата, туризмот, културата и спортот.
Премиерот Ковачевски истакна дека нема повеќе отворени прашања меѓу Србија и Северна Македонија и дека партнерството меѓу двете земји е пример за регионот. Тој рече и дека трите документи, кои се потпишани за време на неговата посета на Белград, ќе дадат дополнителен поттик за зајакнување на соработката.
View this post on Instagram
Претседателот Вучиќ додаде дека Србија е решена да промовира позитивна агенда ориентирана кон иднината во односите во регионот, што може да се види преку нејзината активна улога во иницијативата Отворен Балкан, а со премиерот Ковачевски разговарал за соработката во рамките на таа иницијатива и дополнителните придобивки за граѓаните на Србија, Северна Македонија и Албанија.
Претходно, Ковачевски на 18 март беше домаќин на европско-српско-албанската средба во Охрид, со која претседаваа високиот претставник на ЕУ Жозеп Борељ и специјалниот пратеник на ЕУ Мирослав Лајчак, а на која претседателот Вучиќ и косовскиот премиер Албин Курти се договорија за спроведување на Договорот за нормализација, претходно прифатен на 27 март во Брисел.
Ковачевски на присутните им честиташе за постигнатиот договор во Охрид.
Премиерот на Северна Македонија го поздрави постигнатиот договор за имплементација на договорот за нормализација на односите меѓу Косово и Србија, кој ќе биде составен и обврзувачки дел од европскиот пат на двете страни.
