Условна казна доби бизнисменот Зоранчо Митровски, кој седна на обвинителна клупа, па откако го слушна обвинението, реши да признае вина за случајот „Империја“. Пресудата ја изрече судијката Васка Николовска-Масевска. Таа посочи дека освен условната казна која нема да изврши ако во наредните пет години Митровски не стори ново кривично дело, бизнисменот ќе треба да плати оштета заедно со неговата фирма „Еземит вино“ во висина од околу 1,5 милиони евра во буџетот на Македонија.
Зоранчо Митровски беше обвинет за криивчни дела злоупотреба на службената положба и овластување и перење пари.
„За двете кривична дела судот му одредува една единствена алтернативна мерка условна осуда казна затвор од две години затвор, ако во следните пет години не стори друго кривично дело“, кажа судијката Васка Николовска-Масевска.
Судењето ќе продолжи за бизнисменот Цветан Панделевски и берзанскиот брокер Јованчо Тасковски.
