Фудбалската репрезентација на Македонија вечерва (18 часот) игра пријателски натпревар против Фарски Острови. Селекторот Благоја Милевски се одлучи за неколку промени во селекцијата, а ќе има комплетно ново напаѓачко трио. Елиф Елмас, Александар Трајковски и Бојан Миовски останаа на клупата, а во стартниот тим се Валон Етеми, Илија Несторовски и Милан Ристовски.
Капитенот Стефан Ристовски ќе игра стопер, заедно со Кире Ристевски и со Дарко Велковски, а на десната странична позиција ќе стартува Дарко Чурлинов. Ова е офанзивна формација на Македонија.
