Германскиот гигант Баерн Минхен одлучи да му даде отказ на тренерот Јулијан Нагелсман. Откако го загуби првото место на табелата во Бундеслигата, раководството на Баерн реши да се раздели со Нагелсман. Можеби малку изненадувачка одлука, но германските медиуми веднаш најавуваат и кој ќе го замени.
Томас Тухел, поранешниот тренер на Борусија Дортмунд, кој ја освои Лигата на шампионите со Челси, треба да биде нов тренер на Баерн Минхен.
