Рускиот претседател Владимир Путин и кинескиот претседател Шји Џинпинг вчера потпишаа заедничка изјава за продлабочување на партнерството и стратешката соработка, во која беше посочено дека руско-кинеските односи се сеопфатни, стратешки и „на највисоко ниво во историјата“.
Институтот за проучување на војната – ИСВ во својот последен извештај наведува дека обврските преземени од Шји и Путин биле „забележително еднострани“. Џинпинг го пофали Путин и ја засили позицијата на Кина за политичко решение за војната во Украина, но не отиде многу подалеку од тоа да ги даде тие изјави.
„ Путин, за разлика од него, најави голем број мерки кои ја сигнализираат континуираната ориентација и зависност на Русија од Кина во енергетскиот и економскиот сектор, кои изгледаат многу еднострани во споредба со релативно умерените обврски на Шји“, се вели во извештајот на ИСВ.
NEW: Russian President Vladimir #Putin appears to be setting conditions to weaponize the #UnitedNations Security Council (UNSC) as a method of Russian power projection ahead of #Russia’s accession to the rotating UNSC presidency in April. @criticalthreats https://t.co/uKu57EPD6V pic.twitter.com/Tb8PcAz94I
— ISW (@TheStudyofWar) March 22, 2023
„ Шји сигнализираше дека нема намера да ја поддржи руската војна во Украина надвор од нејасните дипломатски гаранции, што е веројатно помалку од она што Путин се надеваше да го обезбеди во преговорите. Путин веројатно не успеа да обезбеди точно партнерство што му треба и сака, а Шји веројатно ја напушти Москва откако обезбеди гаранции кои се повеќе еднострани отколку што сакаше Путин да бидат“, тврди ИСВ.
