Министер за економија, Крешник Бектеши кажа дека најскапото јајце може да се продава по цена од 9,8 денари, со одлуката за замрзнување на цената. Според него, мерката е искреирана со компаниите кои произведуваат јајца. Тој кажа: „Цените што биле на 15 март, тие ќе бидат“.
„Просечната цена на јајцата е околу 8,5 денари и најскапото може да оди до 9,8 денари од јајце. Зависи од пакувањето и амбалажата, зависно од компаниите во делот на трошоците кои ги имаат. Многу е важно да се наведе фактот дека е зголемена побарувачката за производство на јајца од нашата држава, а бараат нашите соседи каде цените се од 14 центи до 20 центи и нагоре. Што значи дека ако се дозволи целосен извоз, повеќето ќе го пренасочат производство до соседите. Дополнително како одлука е ограничувањето во извозот, каде 70 отсто од целото производство или пласман кој го имале во јануари и февруари, да ги снабдуваат ланците на маркети, а да нема недостаток на овој производ за сите граѓани, ниту зголемување на цената како притисок однадвор“, кажа Бектеши.
Владата донесе одлука за замрзнување на цените на оризот и јајцата од кокошка. Премиерот Димитар Ковачевски кажа дека сега трговците мора прво да набават јајца за потрошувачите во земјата, а потоа за извоз.
