Kинескиот лидер Си Џинпинг ќе допатува во тридневна посета на Москва.
Тој на неодамнешниот Секинески конгрес потврди дека на новите претседателски избори го надминал иконскиот Мао Це Тунг.
Си Џинпинг, според најавата на руските агенции, ќе пристигне кај рускиот претседател Владимир Путин денеска, кога најпрвин ќе има неформална средба за време на вечерата, разговорите ќе започнат утре, а во среда ќе ја напушти земјата.
Според руските медиуми, Си Џинпинг и Путин ќе се состанат на конструктивни сеопфатни разговори кои треба да ги потврдат и, како што посочува руската новинска агенција „Риа Новости“, да го зајакнат руско-кинеското пријателство и партнерство.
Нагласено е дека за време на посетата ќе бидат потпишани голем број важни меѓудржавни билатерални договори.
Кинескиот амбасадор во Москва, Џанг Ханхуи, во интервју за Риа Новости изјави дека Русија и Кина ќе бидат рамо до рамо во борбата за постигнување мултиполарен свет и ставање крај на доминацијата на едната страна (се мисли на САД).
Посетата доаѓа во важен момент кога Кина сè повеќе презема политичка иницијатива на глобалната сцена.
