На еден ден пред разговорите помеѓу претседателот на Србија, Александар Вучиќ и косовскиот премиер, Албин Курти, пристигна и првата порака за очекувањата. Вучиќ за српските медиуми посочува дека е изненаден од огромната медиумска покриеност, па посочи дека се надева на пристоен разговор, иако не е сигурен дали ќе го има.
„Не патувам во Охрид со никакви пораки, туку за да ги застапувам нашите интереси. Не користам никакви трикови. Лаги има колку сакате. Тие трикови имаат краток век. Се што имав, им кажав на Ескобар и Лајчак, а утре ќе им кажам на Борел и Курти. Кога ми кажаа дека веќе се дојдени преку 200 медиумски куќи – се изненадив, но се надевам на пристоен разговор. Ќе има или не – не сум оптимист. Но знаете дека ништо не се сменило од собраниската дискусија“, рече Вучиќ.
Средбата Вучиќ-Курти ќе биде за нормализација на односите помеѓу двете земји. Состанокот во Охрид е продолжение на дискусијата што двајцата лидери ја имаа на 27 февруари во Брисел.
