Во четвртокот се случила тешка хаварија во РЕК Битола на Блок 3 и истиот е надвор од енергетскиот систем после неполни 40 денови од монтажата на новиот трансформатор, купен неодамна во сомнителна зделка со тешки провизии, се вели во соопштението од Комисијата за енергетика на ВМРО-ДПМНЕ.
Од ВМРО ДПМНЕ велат дека веќе подолг период предупредуваат за неплански ископ во рудниците во РЕК Битола и јагленот со лош квалитет кој се носи од увоз. Според нив, комбинацијата од овие два типови на јаглен подржана со канцероген мазутот со лош квалитет, како и нестручното раководење со термоелектраната довело до затрупување на котелската постројка со шљака и земја од рудниците на речиси 20 % од котелската постројка што доведе до ‘’плански испад ’’ на Блок 3.
Од партијата го повикаа раководството на РЕК Битола да одговори зошто ја крие оваа тешка хаварија со далекусежни последици за Блокот 3.
